1.陳三五娘 - 移步遊賞
作詞：傳統古詞
作曲：傳統古曲
移步游賞（於）景致
看許花紅共柳綠
（於）芳菲（於）可企
（於）黃蜂尾蝶採花心
（不汝）來來去去相（於）藤纏
于鶯聲（於）巧叫
忽然聽見鶯聲叫巧
（於）實噪人耳
柳枝無力夭伊即隨風（於）擺起
（於）賞花鬥草趁春天
（不汝）梨花帶露（於）輕風微微
因風吹送伊即來尋（於）香味
尾蝶那卜無花教伊卜去採乜
（於）花那卜無于尾蝶
枉屈伊許香味
尾蝶採花心（於）不忍（於）飛起
看許蜂情共蝶意
阮（於）心神不覺著伊（不汝）攪醒
看許蜂情蝶意
阮（於）心神不覺著伊（不汝）攪醒
2.陳三五娘 - 園內花開、暗靜開門
作詞：傳統古詞
作曲：傳統古曲
園內花開于香蘭謝
不汝想阮在只牆外
不汝礙手惡去摘
一陣風送于過一陣香
著許花香
不汝即會障割吊人
不見花形于影
強企起來月下行
待許嘗花人那聽見
不汝即知阮是貪花愛花
伊人無心情
待許嘗花人那卜聽見
不汝即知阮是貪花愛花
伊人無心情
暗靜不汝開門
于爹媽總都不知
有誰人
于知阮只心內于事
聽見不汝窗外
是阮三哥
伊站在許竹于叢內
待阮輕輕障挨開
不汝出去
又恐畏大少不汝人知
偷身就來暗于靜
阮定卜共阮三哥
結于做不汝某婿
偷身就來暗靜
阮定卜來共阮厝三哥
恁今結于做不汝某婿
3.陳三五娘 - 精神頓
作詞：傳統古詞
作曲：傳統古曲
精神頓 正要睡
聽見雞聲
忽聽見雞聲
報曉鬧紛紛
風弄竹聲
親象我君伊人
來在叫門
兜緊弓鞋
阮來兜緊繡弓鞋
輕牽羅裙
起來窗前悶無意
見那紅日一輪
爹媽叫阮
但恐媽親叫緊
但得要來點打益春
益春 阿媽若叫
你才為阮打點一聲
你去替阮細說
阮此時身上不安樂
掀開鏡匣
阮來掀開寶鏡匣
照見阮顏容漸漸衰損
但得邀君對鏡
君恁邀阮對寶鏡
照見君才妾貌
共阮都是一樣青春
胭粉不抹
阮有香花不戴
憶著阮畫眉郎君
伊是官蔭人家
兼又玉貌朱唇
錦心繡口
又兼伊人滿腹經論
共君結托
賽過相如對文君
今來折散 今來折分散
那是鸞鳳失伴
又好像那鴛鴦離群
甯作黃泉地下鬼
莫作今生
莫作今生一日離君
相思病 節節入方寸
隱隱啼聲
隱隱啼聲怕人聞
恐畏上人嘴唇
但恐畏了外人議論
恁有成雙成對
要恁有雙雙對對
怎曉得阮孤單無伴
瞑在房中思想
瞑在房中空思想
日在樓上
日在樓上那是觀山望雲
那是觀山望雲
4.陳三五娘 - 班頭爺
作詞：傳統古詞
作曲：傳統古曲
5.高文舉 - 冷房中
作詞：傳統古詞
作曲：傳統古曲
冷房中受（于）淩遲，一場冤枉，
阮一場冤枉（于）枉今卜共誰訴起，
想著起來，想著起來阮目滓暗淚滴，
溫金賤婢汝做事不存天，所靠伊爹，
侢所靠叫伊爹你即敢障行儀，
剪落阮雲鬢，又掠阮繡鞋（于）剝棄，
恨于煞文舉僥倖漢，汝侢通忘我爹爹（于）恩義，
今朝于榮顯輕棄阮糟糠于扊扅，
既然知伊心妒忌，既然知伊毒心意，
再通寫書，汝再通寫書搬請阮身來到只，
回想當日離鄉井，回想當日離鄉井，
一路來心歡喜，
所望卜富貴致蔭我父母兄弟，
誰知倒半路遇賊人，
掠阮一于身墜落深坑，阮即險送黃泉于裡，
謝陰光相保庇，得遇著周婆救阮身來到京畿，
嗟誰疑周婆病拆散分離，阮獨自入府尋伊，
文舉又都不見，
未知何日阮只覆盆即會得見天，
聽見點點催更憶著爹媽年老，
今卜怙誰奉侍，
肚內無刀，阮肚內無刀，
那是空割做寸裂，阮肚內兮無刀，
那是空割做寸裂。
6.呂蒙正 - 良緣未遂、抄起、到破窯
作詞：傳統古詞
作曲：傳統古曲
良緣未遂反禍星，
心裡恨我爹爹不是，
輕貧重富悔親誼，
是汝彩樓高結，汝因何掠只綉球不肯提起，
君寒微，見君恁寒微輕視，
公卿共宰相，不是一寒儒得成器。
古人說，世情冷暖，人面真高低，
君落泊，我君雖然落泊，情願共恁白髮相依。
人說寸絲為定，千金不移，
阮即隨君相絆纏，
路途，途中兼障崎嶇，阮只金蓮步行遲，
全靠，全靠著我君汝今扶阮過只溪墘，
全看著我君汝今助阮過只坑墘。
抄起，抄起阮只綉羅衣，
橋又險，心又虛，
雙手牽君裙，阮今步步慢慢企。
日又落，路又生，
未知許破窯值一乜鄉里，
勸小姐，心莫悲，
咱夫妻行來只處，面前破窯是咱厝裡。
相共行，相共去，伴我即來去度過只今暝，
同我即來去，來去窯中安身己。
到破窯，苦切啼，
窯中障無碗又都無箸，
一路到只，腹又饑，
拔落金針一支，卜度君恁換米，
淡飯輕漿，阮度苦過饑，
且看到後來尾梢是侢呢，
暫看到後來阮到尾是侢呢。
7.朱弁 - 舉起金杯
作詞：傳統古詞
作曲：傳統古曲
舉起金杯淚溋溋。
宮娥來報說，說我哥、說叫我哥哥你卜歸故鄉。
恰是吞針入肝腸，侢得阮、侢得阮會不悲傷。
待阮慌忙辦杯酒，卜來表情衷。
勸我哥、願我哥，你今且從容，想慇懃盡在此杯中。
記當初在許玉樓前，愛共哥你結姻緣，到今旦無始終。
咱今生若那無緣，死後願卜相從，
化作鴛鴦塚、鴛鴦塚。
長看南來、長看南來有一孤雁，
雁足傳書過瀟湘，雁足傳書過了瀟湘。
8.朱弁 - 旅館望雲
作詞：傳統古詞
作曲：傳統古曲
旅館望雲好心憔，想故鄉白雲縹緲，
我許枕邊叮嚀話，音信何絕少？
流落征途，淚似杜鵑血未消；
人在天涯，恨煞山高水又遙。
薄衾不寢，颯颯西風直透入我只單綃。
行思坐思，我許眠夢亦思。
蟲聲悲切愁窈窕；鴻雁聲斷、
鴻雁聲斷天際杳，惹起我只相思越寂寥。
我不比宋玉悲秋早，
不比相如、我不比相如伊人行薄僥。
那為著人情好恩愛，無端柳絮隨風飄，
情悄心緒，情悄心緒，今卜有誰人曉？
實畏聽日暮寒鴉、日暮寒鴉歸飛啞啞。
過嶺猿聲，斷續知多少？
切得阮只心頭酸，更籌空自數；
切得我只心頭酸，更籌那是空自數。
| 
